陈自瑶被误解黑面 不介意重提：好多嘢都习惯

etin

由艺人陈自瑶（Yoyo）、赖慰玲（Winki）、黎诺懿及罗天宇主持的无綫节目《香港婚后事》，前晚一集中他们决战四方城，不过并非打麻雀闲谈咁简单，皆因食糊的人可以向其中一位问一个问题。率先食糊的诺懿战战兢兢向Yoyo说：“你可以唔答㗎！”赖慰玲则谓:“咪住先，唔可以唔答㗎！”他即搞笑谓：“我惊呀！”跟住诺懿问到：“其实呢啲人话妳台庆黑面，啲人成日提住，妳会唔会好唔开心？同埋其实系咪真系黑面呢？”说完诺懿即扮晒震。而YoYo则大方谓：“其实我唔介意嘅，同埋啲人成日可能记住我黑面个样，咁我咪畀人记住我笑住个样啰！得唔得呀？”诺懿即谓：“我实得㗎！”YoYo又续说：“其实咁多年，我又唔系啱啱入行，好多嘢都习惯，凡事咩都好，最紧要心态好。”
​早前罗天宇传与陈懿德拍拖，他们大谈如果另一半都是圈中人是否好时，大家都朝着天宇问，赖慰玲望着他谓:“你呢？你锺唔锺意同另一半同公司㗎？”此时众人“衰笑”，天宇谓:“我觉得呀.....职位唔一样、工作唔一样都可以多啲话题倾吓嘅！”诺懿又追问:“如果大家都系艺人呢？”，天宇谓:“如果大家都系艺人，都有好有唔好啰！咁都会多咗共同话题，佢会明白你多啲。”难得天宇咁坦白呢！