|
艺人龚慈恩为无綫节目《香港婚后事》任嘉宾,与主持陈自瑶、黎诺懿、赖慰玲等探讨“离婚”主题,龚慈恩分享对夫妇离异的见解:“冰封三呎,非一日之寒,比较传统啲嘅女性,仔女系占咗佢(生活)一大部分,佢可能喺某一段时间系完全忽略咗自己,将啲时间、精神、责任摆晒喺仔女身上,到某一日突然间醒咗,佢会意识要有自己人生,咁会令到有番咁上下年纪嘅人有离婚嘅意识。(找到适合的人会否考虑再婚?)会嘅,我觉得现阶段系需要伴多啲,再唔再婚系另一个问题,但我唔抗拒。”陈自瑶则认为:“一段关系系双方(付出),可能你好想为小朋友保持一个美满家庭,但可能对方唔想,可能佢个心已经走咗,你夹硬死𢱑都冇办法,有啲嘢唔系一个人可以做到,呢啲情况就冇得选择。”而诺懿表示本港每年约有过万宗离婚个案,而离婚手续亦日渐简化,对此赖慰玲认为“离婚”变得流行:“大家觉得离婚冇咁大件事,即系两个人婚姻出现咗问题,然后就离婚啰,唔去解决。”Winki续指近来香港出现移民潮,不少夫妇亦因移民衍生的问题而闹离婚。
|
|