|
天后容祖儿于2005年及2007年夺4台颁奖礼“大满贯歌后”殊荣,两度得奖纪录至今仍未有人打破,不过已绝迹颁奖台多年的她,却拒宣布“永不攞奖”,扬言就算被安排坐“关爱座”,也要跟张敬轩齐撑起乐坛!单身6年的她又自爆有“隐形男友”,觉得拍拖属开心事,不妨公开。乐坛天后容祖儿相隔3年再推出新歌《九秒九》,日前接受专访时指迟迟未有新作,全因“债务缠身”兼精益求精,她说:“嗰几年好多演唱会债,呢首歌用咗足足一年去筹备,好似系迟咗啲,但我已经用咗好大努力去录。”她指工作从没停歇,笑言天生辛苦命,做到手板变得粗糙。
久未做新碟宣传的祖儿觉得再面对电台DJ及传媒,十足朋友敍旧。提到她与乐坛颁奖礼已“绝交”多年,令外界觉得跟她“天后中的天后”地位有关,她即大呼冤枉:“我从来冇讲过唔攞奖,呢啲好老土,冇去颁奖礼只系我冇歌或者唔喺香港啫!(唔关‘升呢’事?)我冇‘呢’分,个人好随意,都系行感觉,如果大家觉得我值得嘅,颁奖礼‘关爱座’我都可以坐。我最遗憾系嗰年《东京人寿》首歌成绩咁好(此曲2021年首支5台冠军歌兼香港乐坛首支夺得5台流行榜两次周榜冠军的歌曲),我都返唔到嚟,所以只要夹到期,啱感觉嘅咪当去Party啰!”谈及近年的颁奖礼全由张敬轩独撑大局,她指轩仔乐在其中,并说:“男人系要有事业心,我会帮手嘅,不过乐坛都有个新景象,我好欣赏汤令山呢啲咁有心思嘅歌手。”
虽然祖儿愿意继续再去颁奖礼跟大家开Party,但直言跟当年竞赛心态已不同:“承受嘅压力冇以前咁高,唔系好在意奖项系真嘅,依家有好作品系更加重要。事实上去颁奖礼唔系为自己,我只系团队其中一个前锋,有能力参与咪帮我嘅战友争取殊荣啰!”对于外界指她已没有真正的竞争对手时,她觉得对事业要保持热情才可走得更高更远,并说:“一个艺人觉得冇嘢好玩就唔好再出嚟,希望自己有份好玩嘅热情,而唔系眯埋眼都识做啦!”
正如祖儿所说,演艺事业需要挑战,所以她在《九秒九》MV中成就解锁,演技获乐迷称赞属影后级,她即笑说:“大家过奖,唔知点解每次有歌喺度时,个人集中能力高啲,拍MV一路系影后级演技,但一上大萤幕就差少少,如果有角色需要,我会认真再跟邵美君老师学戏。”祖儿在乐坛成绩表次次满分,惟感情上却交了6年白卷,她觉得跟不懂撒娇及过于女强人感觉有关。她指现时未感应到有追求者,不过拍拖是开心事,必定会公开,又指其实已有“男友”:“其实内心住咗个男人叫阿Jack,佢OK㗎!”问到理想男友条件?属双子座的她自言接受能力很强:“有头发、幽默、专一,靓仔就见仁见智啦,任何国籍、年纪都OK,我试过一见锺情,但发觉唔实际!对方要畀我做嘢,如果24小时对住,我会呕㗎!”
|
|