朱智贤谢东闵被林子善出卖 疑已秘密结婚

etin

前港姐朱智贤上年离开无綫后转型做KOL，除咗大晒性感相派福利之馀，又不时自揭私下真面目拍片吸Like，大受网民欢迎。佢（14日）就晒咗条“理想与现实”嘅片，睇到佢喺屋企戴住发箍，着住“阿婆”睡衣喺度敷眼膜嗰阵，被男友谢东闵偷拍，佢得知被影之后即刻嬲嬲猪，拎起咕𠱸狂打对方，展露真性情！网民大赞朱智贤可以为吸Like牺牲女神形象，自揭“真面目”唔系个个女仔做得到，而佢好友林子善就留言：“出卖老婆系列。”疑意外踢爆佢同谢东闵可能已经秘密结婚，佢哋都未有作出否认添，而网民都纷纷催佢哋快啲结婚啦！