|
“十优港姐”麦明诗(Louisa)同盛劲为(Keith)3月正式完婚,摆足3场嘅“劲甜蜜”婚礼,更系令全港市民印象难忘,而随着母亲节到来,啱啱升呢做人妻嘅Louisa,更以行动证明“嫁出去嘅女,唔一定等于泼出去嘅水”,充满心思嘅礼物,更凼得麦母相当开心。
Louisa日前喺社交网晒出麦母开心拆礼物嘅片段,并透露原来份礼物系麦母亲自挑选:“我妈咪非常勤力,佢要求母亲节要休闲又可以返工嘅背囊。”另外贴心嘅Louisa更送上旅行分隔袋及折叠刀具,并再晒出婚礼相道:“唔系泼出去的水!由BB时期日以继夜嘅照顾,到小朋友时期嘅学业、品格培育,到青少年的恋爱、感情辅导,到成人时期的事业支持…到最后放手让孩子飞走,活出自己的人生。妈妈你真的给了我所有。无论如何,我知道妈妈永远是我的避风塘,我永远是你的女儿。”认真温馨感人呀!
而盛劲为就因工作关系飞咗去澳洲,顺便同契仔女庆母亲节,佢于社交网大晒一系列嘅“凑仔”相,同埋一张极光相,睇到佢做“凑仔公”带契仔女去公园玩各种游乐设,仲小心翼翼咁揽住契仔玩攀登架,返到屋企又瞓地被契女踩肚,大晒父爱,佢留言:“经过呢两日之后又多一个画面,畀我想像将来嘅家庭会系点样,相信都一定会有好多喜怒哀乐。”而麦明诗就回覆咗极光照片话:“Cosmic radiation”未是系咪表示同盛劲为生B有共识呢?
|
|