|
朱智贤、谢东闵、郭柏妍、陈庭欣、古淖文、谭辉智、颜米羔等在湾仔出席仁济医院慈善晚宴。已经离巢的朱智贤与男友谢东闵同场碰面,但就婉拒情侣档合照,朱智贤受访表示:“唔系第一次同场,曾经商场骚都有试过,但系都低调啲,出嚟做嘢唔好糖黐豆咁。(唔系无綫艺人,影相都唔方便?)尊重返佢哋,呢个系佢哋意愿,我就冇乜所谓,都系公开嘅事。”不过,她又笑言工作上情侣档亮相绝对有得慢慢倾。
讲到近况她指刚刚考获普拉提(Pilates)教练牌,最初也没有想过要教学生,但学习后觉得不错,可以令身体线条更美,随后也打算尝试教学生,她说:“未开始,因为忙住要谂社交网拍片,所以未有时间。(搞笑片系咪自己真性格?)自己锺意睇啲开心片,所以都想带开心畀大家,所以拣咗呢个路线,同埋自己都冇包袱,所以觉得呢个路线几适合。”又透露正洽谈内地短剧,成事的话要到内地拍摄,问到可有兴趣自己投资拍短剧?她说:“暂时冇咁嘅计划,又要有剧本,又要搵编剧,要有成Team人合作,一个人做唔到。”
至于《中年好声音2》的古淖文、谭辉智与颜米羔昨晚为晚宴唱歌表演,三人皆指有不少商演接洽,古淖文说:“估唔到咁多人支持我哋,开始好多商演机会,希望未来有更多机会,最希望可以3个一齐做骚,同埋成班人再开演唱会,如果再开当然唔可以照办煮碗去做,要畀新鲜感大家。”讲到辉智被指是新一代师奶杀手,连狄波拉也是他粉丝,讲到再开演唱会拉姑必定棒场,辉智笑说:“唔知㗎,唔知佢会唔会变心呢,可能之后锺意古淖文呢。”三人又希望有机会拍广告搵真银。
|
|