|
《第42届香港电影金像奖》最佳女主角昨晚(14日)揭盅。时势造影后,成为大热的女星余香凝凭电影《白日之下》,挥低卫诗雅和谢安琪首夺最佳女主角,认真威水。成为出炉金像奖影后的她,于宣布一刻与老公相拥,她于台上眼泛泪光发表得奖感受,表示可以站于颁奖台上特别幸运,感谢古天乐愿意投资该片,又感谢家人,除了感谢妈咪于她失意之时,永远是她背后的最大动力,余香凝还公开向老公发表爱的宣言:“我要多谢老公,冇你支持我咩都做唔到,喺我接每一个角色、每一个剧本时,你每晚都会陪我对剧本,仲有我两个小朋友,妈咪有梦想不断去追梦,我会用一生嘅时间去钻妍做更好嘅演员…女性就算人生去到咩阶段,都可以努力去追求梦想。”
勇夺金像奖影后的余香凝,于后台受访时仍难掩兴奋之情,指刚才于台上太紧张,忘记了感谢该片导演,随即把奖座敲自己个头,并表示:“我多谢佢100次都唔够,因为最初系佢打畀我,问我仲想唔想演戏,嚟唔嚟casting....好多人觉得一个女人,结咗婚生咗小朋友就未必会再做幕前,好多谢佢邀请我演呢个角色,觉得我适合个角色。”更坦言作为新生代演员,如今可以站上颁奖台,全因幸运遇上该片及角色,寄望之后陆续有新生代演员也能站上台攞奖。
对于于颁奖礼获得好成绩,余香凝再一次感谢老公:“佢好辛苦,因为我好忙工作,最近每晚都系佢负责凑小朋友,佢放工食完饭,仲要陪我背对白同背稿,好多谢佢喺我身边,虽然精神上好攰,但两个人一齐就已经好满足。(咁妈咪平时点鼓励你?)佢鼓励我冇乜嘢系过唔到,我哋做呢行好多时有高低起跌,要面对外界好多声音,作为人都会有情绪,妈咪话过到就系我叻女,佢畀好多正能量我,其实妈咪最初话唔嚟,喺屋企凑女,原来最后有嚟到,好开心,之后同团队打边炉同饮酒庆祝。”
|
|