陈伟霆上海搭火车被野生捕获 1举动获赞“型到裂”

etin

艺人陈伟霆（William）长驻内地发展嘅佢，唔止演艺事业做得有声有色，就连副业健身房都好评不断，甚至喺内地掀起健身热潮。而出名亲民嘅佢，唔止喺自己健身房任影唔嬲，就连出门在外都行为举止同样贴地亲切，日前有网友喺社交网晒出上海火车站巧遇William嘅相，并兴奋道：“家人们谁懂呀！在上海虹桥火车站候车室偶遇陈伟霆！当时我还一脸懵逼地看别人在拍，后来才发现是明星！”其中William双手插袋嘅站姿亦引嚟唔少网友激赞：“型到裂！”而事实上，早喺10年前凭剧集《古剑奇谭》爆红嘅William，出道多年人气仍高踞不下嘅佢，唔止系知名综艺节目及晚会嘅常客，更喺2019年名列福布斯中国名人榜第23位，不过名成利就嘅佢未有因此而骄傲外，生活更系相当朴实无华，仍不时畀网友喺平民餐厅、公共交通中野生捕获。