胡定欣孖黎耀祥拍《巾帼》 两个半月搞掂挨到瘦剩唔够50kg

etin

视帝黎耀祥与胡定欣合演剧集《巾帼枭雄之悬崖》去年底煞科，2人昨日（12日）现身宣传活动。谈到拍摄过程，祥仔说：“辛苦嘅，因为拍摄日程好长，日日同时间竞赛，好似有一场戏讲我同胡定欣睇日落，个太阳位置飘忽不定，我哋就要喺个田间行嚟行去，好彩最终完成到拍摄。”为了今次角色，祥仔坦言开工前积极收身：“瘦咗十几磅，不过甫开工运动量就好大，每日带住手表度运动量都超标，同埋监制好好安排嘅饭盒都少油少盐。”至于坚持“一年一剧”的工作模式，他说：“冇办法，体力唔及以前喇，况且都拍咗咁多年，角色同剧本好多都试过，依家精益求精，但永不言休。”祥仔指自己会跟随时代趋势而转型：“好似依家我有同TvB做网上直播，迟啲可能拍啲短剧视频，忙住建立自己嘅人设。（直播好搵过拍剧？）睇你点睇啦，日薪就一定系，相信将来平台嘅发展唔简单，我都仲喺度摸索紧。”

​至于胡定欣则透露今次与祥仔第8次合作：“喺佢身上学到好多嘢，佢嘅记忆力非常之好，再长嘅对白都难唔到佢，仲同时演到戏。呢个剧本冇得懒，唔可以现场先准备，为我嚟讲都系一个考验，同埋《巾帼》我系由第一辑已开始有份参演，可以话同黎耀祥好有缘分，呢套剧亦系我嘅情意结。”她说：“两个半月拍晒成套剧，真系冇试过，第一个月最辛苦，因为新投入一个角色，加上对白好长，需要适应时间。我嘅通告被形容为‘顶天立地’，最早同最夜都有份，我拍到第3日就已经开始瘦，我真系好耐冇试过体重Under 50KG！”定欣坦言全剧自己占戏400多场：“所以思想上比较费神。（依家休息紧？几时再开工？）呢个都仲未知，不过见到呢几日影视展公司有好多新project，自己都希望嚟紧有份参加啦。”