|
艺人陈家乐、周家怡、恬妞、许靖韵(Angela)及艾妮等,昨晚(6日)到尖沙咀出席英皇电影《出租家人》首映,英皇集团主席杨受成与太太亦有现身支持。荣升准爸爸的陈家乐透露太太连诗雅现正怀有5个月身孕,问他是否一索得男?他笑笑口表示:“唔讲住,我哋冇讲畀屋企人知,所以想神秘啲,不过都应该守唔到去7、8个月大。”家乐又指稍后会为BB照结构,希望胎儿健健康康,又大爆太太十分紧张,买了心跳机每日都要听BB心跳。家乐日前则被连诗雅踢爆陪她产检时激动到喊,他表示:“产检系开心嘅,医生话每个爸爸都会喊一次,睇你喊几次,点知我3次都喊,佢仲话我好喊得。之前验咗血报告知道男定女,已经好开心,但我未谂入唔入产房,我想入去拍片,唔知陈太想唔想我拍,未经历过,我惊会措手不及,到时或者摆脚架。”
家乐又指现时只关心BB是否健康,有朋友提他是否要搬屋、搵学校,他都未去想,反而就请了陪月,他说:“预产期系7月,但我有机会唔喺香港要去做嘢,所以请定陪月。(锺意仔定女?)仔女都锺意,都可以陪我睇波,不过仔女嘅教导方式就唔同。”另外,家乐投诉太太连诗雅怀孕期间为保持身形吃太少东西,他没好气说:“叫佢食多啲嘢,佢话太肥上镜唔靓,又话好肿,我话你大肚冇人会怪你,如果大家见到陈太,唔该帮手叫佢食多啲嘢,佢真系好瘦。”周家怡被问到会否跟家乐的BB上契?她说:“要睇缘份,我都有6个契仔契女。(想生番个?)唔使喇,但世事真系唔知,如果依家生就系圣母。”Angela在片中与方力申饰演情侣,更将荧幕初吻献给了对方,问她觉得小方是否好咀?她笑说:“都锡咗好多秒,拍咗唔同角度,感觉好好。”而艾妮则再次饰演大肚婆,她笑指:“今次终于生得出,戏入面我租咗家乐做老公,佢又啱啱成为爸爸,感觉好特别。”
|
|