|
视后杨茜尧近日复出拍摄无綫新剧《黑色月光》,剧中角色同宋慧乔喺《黑暗荣耀》嘅角色相似。正忙于为剧集开工嘅佢,日前被网民喺启德街头捕获,相中佢以一身黑色套装打扮,企喺一边等埋位,而发型师及造型师正帮佢梳理造型。照片曝光后,有人表示相中嘅杨茜尧睇落有啲憔悴,直言老咗好多,不过就有大批网民为佢平反,表示佢所拍摄嘅新剧有“港版黑暗荣耀”之称,而佢饰演嘅角色喺剧情上有需要扮到面容憔悴,“有实力的人外在不重要”、“文东恩的角色不就是这样看起来受了好多苦的憔悴样嘛?没看黑暗荣耀吗?”、“妆效而已啦”、“话老嗰啲,睇过黑暗荣耀未?”、“剧情需要”。
|
|