连诗雅大肚后首现真身 爆陈家乐见BB表现激动

etin

刚宣布有孕的歌手连诗雅（Shiga），前晚（2日）以黑色露腰晚装，配上3、4吋高跟鞋为无綫慈善节目《博爱欢乐传万家》演出，每走一步都被旁人叮嘱小心。骤眼望Shiga依然手脚纤幼，完全不似大肚婆，她笑说指其实怀孕已进入19周，工作搵衫都开始有困难：“未有BB时，拣衫拣一、两件就会中，依家真系借10套衫先有一两套可以着。（今日见唔到你官宣时个肚喎。）为咗影嗰辑相，我搵咗条最贴身嘅裙，想做出个效果同大家讲嘛。”Shiga指怀孕至今体重上升约10磅，打趣“唔想再上磅”。谈到老公陈家乐，她表示：“佢对我着高踭鞋有啲微言，不过我只系着嚟上落台啫。（享受呢10个月做女王嘅日子？）都有少少享受大家咁照顾我。（口味转变？）想食酸及浓味嘢。”

​她坦言希望工作到“卸货”前：“我要搵奶粉钱。（谂住开刀生？）仲考虑紧，做紧资料搜集，嚟紧仲有好多关要过，好似要照结构咁，其他嘢冇所谓，最紧要BB身体健康。（日后边个凑BB？）我谂应该系嫲嫲、爷爷同婆婆轮流凑吓，等大家冇咁辛苦。（有冇呕吐？）头3个月啰，我仲系几反胃嘅嗰种，嗰时仲喺内地做紧巡回演唱， BB起码陪我走咗3、4场骚，我觉得呢个系小幸运，起码我上到台BB就好乖，加上肾上腺素提高，所以演出好顺利。”Shiga又打趣腹中块肉是“活跃B”：“每次做产检，佢都跳得好犀利，而老公起初就表现得有啲激动。（佢喊？）佢话冇啰，我觉得佢个样好趣怪。（BB好旺爸爸事业喎。）咁希望佢都旺埋妈妈啦。（家乐拍露股戏事前有同妳商量？）我知呀，觉得系一个好好嘅机会，同埋呢套戏刚开工，佢知道自己就嚟做爸爸，各方面嘅准备都令佢觉得有压力，应该几辛苦，我就尽量唔好烦佢。”