久别再合作！王浩信派惊喜 杨茜尧捧场老公激情戏

etin

艺人杨茜尧、王浩信前晚（26日）于九龙城为无綫新剧《黑色月光》拍摄外景，现场所见，二人表情严肃，浩信为投入角色不时沉默，不用埋位时亦跟茜尧继续对戏，相当认真。浩信拍时化了一个受伤妆容，脸上贴上胶布，剧情讲述二人为复仇大计各执一词。已有两年没拍剧的杨茜尧之前要返内地开工，她受访时坦言没大问题，更笑谓：“一直都好顺利，都ok，凑仔反而比较攰，体力、心力24小时On Call，精神付出更大。（喺内地系咪好挂住一对仔女？）都会㗎！所以之前喺深圳拍一有空档都会返香港，食个晚饭都好，阿囡都有叫我唔好返工咁耐，佢话返一分钟好啦，听到都真系好心酸。”她又大赞那段时间老公罗子溢帮忙凑小朋友，相当尽责：“因为佢都系一个大细路，畀100分佢啦，不过佢主力接送，屋企仲有工人姐姐同婆婆、嫲嫲帮手，所以我都好放心。”茜尧笑言拍完此剧会即返家做“凑仔婆”：“始终小朋友大得快，想多啲时间陪佢哋，好在佢哋读国际学校，未感受到太大嘅功课压力。”
另外老公罗子溢的新剧《婚后事》前日首播，剧中他与陈自瑶（YoYo）有很多激情演出，茜尧闻言笑谓：“好激咩？有几激呀！呢啲嘢惯晒啦！（同YoYo大战喎！）喺得香港出街战得去边呀，哈哈！呢啲嘢冇问题啦！”她笑言不会避睇，一定会捧场，就算开工都会返去睇重播，问到会否限定尺度给老公时，她又説：“使乜我Set呀？咁大个人自己识做，同埋香港嘅电视尺度去得边呀！即管嚟呀！哈哈！”而浩信受访时坦言：“寻日嗰场戏系讲我为咗帮茜尧完成啲事而撞车，其实拍时个心情几纠结，因为表面同内心状态好唔一样，要好多层次变化，所以要好投入先演得好。”浩信又指剧中打戏不多，但追车戏很多：“我嘅角色系好爱茜尧，最后埋薇薇身都系为咗复仇，同茜尧咁耐之后再合作，希望可以擦出花火，畀到惊喜观众，我想将戏里面嘅关系处理得更有深度，所以每一场戏喺最好状态完成，所以依家唔使埋位时都会独处，谂吓点样做好啲。”