马国明撞样前TVB女主播 孖靓汤返娘家派喜饼

etin

视帝马国明有份孭飞嘅《新闻女王》收视及口碑都备受好评，连带视后佘诗曼及李施嬅演技参考嘅主播都备受关注外，日前马国明更被网友发现佢同另一位主播意外撞样，而且巧合嘅系对方同样曾效力TVB新闻部，不过尴尬嘅系对方竟然系位女主播！被指同马国明撞样嘅女主播王凯晴，2016年于中大新闻与传播学系毕业，之后曾任职TVB“互动新闻台”主播，之后再被调派到翡翠台任记者，而从佢平时出镜报道嘅画面可见，王凯晴嘅面形及五官都同马国明有几分相似，同样嘅浓眉大眼及高鼻外，最大分别则系2人长短发之差。不过最为巧合嘅系，剧中马国明本来系“SNK新闻部”财经主播及记者，后来被Man姐（佘诗曼 饰）提携转做新闻主播，而王凯晴则同样曾兼任财经主播及主持《交易时段》。

另外，早前喺泰国苏梅岛举行完浪漫婚礼嘅马国明及汤洛雯（靓汤），虽然婚后冇时间去度蜜月，马国明更系即刻重新投入工作，不过就算工作再忙都好，新婚嘅2人亦未有忘记无綫嘅一班好同事，日前（27日）马国明更同老婆靓汤齐齐返无綫派喜饼，而咁啱前日返去为《爱．回家之开心速递》开工嘅吕慧仪、汤盈盈及单立文，亦同样收到马国明夫妇派嘅喜饼外，吕慧仪亦喺社交网开心晒合照，大赞喜饼好味得嚟亦不忘恭喜2人新婚快乐。