陈展鹏带囡囡睇圣诞灯饰 4岁小猪比开始识衬衫

etin

视帝陈展鹏与歌手陈蕾昨日（24日）担任表演嘉宾，表演唱歌及与现场观众玩游戏，入围今年视帝选举的展鹏更趁机于台上拉票。展鹏受访时表示趁工作顺道带太太单文柔与囡囡“小猪比”来Shopping，打算稍后带囡囡睇圣诞灯饰：“佢都未试过认真咁睇灯饰，今年够冻气氛好好。”他笑言4岁小猪比已开始懂得衬衫，每次出门也会悉心打扮：“会将锺意嘅放晒上身，哈哈！又学我哋戴眼镜，当然系冇镜片啦。”谈到他于台上乘机拉票，他说：“颁奖礼当然要拉下票先有气氛。（有冇信心？）每年都有信心！最紧要大家玩得开心，我哋成班《香港人在北京》嘅新拍档都玩得几开心，希望佢哋都攞到奖。”他表示奖项就交给观众决定，另表示除夕夜也会放假陪家人过。
至于早前宣布回复单身的陈蕾，笑言平安夜会与同事度过：“公司都好多单身嘅同事，系佢哋约我，其实我想自己静修。”她表示距离演唱会不足3个月，加上仍有一首演唱会主题曲未写好，坦言所有节日都唔想过：“未写好凭乜嘢庆祝？今晚都唔敢饮酒，因为要养声。（开骚要Keep身材唔食得嘢？）食嘢都OK因为我会做Gym。”她指身形可以靠努力去收身，但声音坏了便难以补救：“我唔信‘女歌手冇冬天’㗎，我会配合番啲季节唔可以冻亲。”她透露正预备年底乐坛颁奖礼战衣，笑言为免着凉故不会再超级性感，问到对奖项信心？她说：“今年比往年机会高啲，因为今年出歌多，算系最有信心嘅一年。”