|
艺人余香凝(Jennifer)2020年闪嫁圈外男友陆政渡,翌年诞下囡囡Clare后,今年4月宣布再有喜,并于9月诞下囝囝,凑成1个“好”字。而前日(21日)Jennifer更喺社交网晒出囝囝Clement嘅百日宴靓相外,更罕有晒出一家四口全家福,认真幸福甜蜜。近年成为影坛新贵嘅Jennifer,简直系事业爱情两得意,继早前出席完台湾金马奖后,日前又为囝囝举办恐龙主题嘅百日宴,并写道:“细佬百日宴。去到现场即刻眼大大周围望,开始有BB话,望住家姐,我就知道BB真系大得好快,好快你就识得行,识得行,识得讲嘢,识得自己食饭,识得唱歌跳舞。”另外,Jennifer亦感触道:“妈咪爹哋家姐同埋一班好锡你嘅屋企人同朋友,会继续陪伴住你成长,见证着你每一个成长,希望你继续健康快乐平安咁长大,做一个善良、有爱心、乐观积极嘅人,希望你继续同家姐相亲相爱,我们爱你。”而照顾所见,Jennifer啱啱先满百日嘅囝囝已经有着一头浓密头发外,饱满有肉嘅肥嘟嘟圆脸,更系令人隔住个Mon都想咬一啖,认真精灵可爱外,全家人一齐劲肉劲锡Clement嘅全家福,更系温馨暖心。
|
|