朱茵跻身“靓到癫”第7位好光荣 黄贯中最爱太太内在美

etin

艺人朱茵日前与丈夫黄贯中（Paul）为新一年拍摄造型照。Paul坦言最欣赏太太的内在美而非其亮丽的外表：“心目中太太样样都靓，最主要系佢嘅内在美同性格。大家相处咗咁多年，外表几靓都会对厌，一个人最紧要内在，唔好以为我讲风凉话，其实我真系欣赏佢内在美多过外在美。”至于朱茵就网民发起的“一人一个靓癫嘅女明星”投票，自己成功跻身第7位“谢票”，直言感到十分光荣：“好开心，觉得好光荣！大家仲记得我，对我嚟讲系一个好大嘅支持。其实靓真系各花入各眼，冇一定准则，我觉得最紧要系有自信、心情要开朗，所以我尽量保持好心情。”
圣诞将至，朱茵与Paul表示今年会留港庆祝，前者谓：“今年第一次放真嘅圣诞树喺屋企，原来成间屋都会香晒，而且我哋已经提早布置好圣诞装饰。其实已经好多年冇挂呢啲装饰，今年系隆重其事，同埋我哋有共识，今年会买好多圣诞礼物放晒喺圣诞树，然后大家抽，礼物系其次，最重要系嗰份精神，谂啲小心思凼屋企人，因为回忆攞唔走。”而对于新一年工作，朱茵表示会继续挑选好剧本，给观众惊喜，至于Paul则将推出唱片：“呢只碟录咗好耐，有成十年，希望有个圆满嘅结束，所以全副精神会放喺只碟度先。”