|
近日无綫爆离巢潮,当中包括2013年参选港姐入行的朱智贤(Ashley),离开工作长达10年的娘家,曾经历雪藏1年后,今年终凭剧集《破毒强人》再获赞赏,事业再露曙光的她,近日为HOY TV主持综艺节目《圣诞啦开饭》。她接受电台访问时,透露只花了3星期时间便决定跳出无綫这个舒适圈:“其实都真系几突然,我一路都冇plan过要离开!嗰3个星期我每日都瞓得唔好,我个人好迷惘!到最后都系决定试吓,因为年纪都唔细,女仔好唔同!”她承认公司就续约与她沟通多次:“每个人追求唔同,但我有只长期病患的狗狗,负担好大。”宣布离巢后,觉得整个人都变得豁然开朗:“一开始会唔舍得,觉得10年就咁完咗,但又觉得好似展开咗人生嘅另一页咁!”在节目上也特别感谢伯乐监制罗永贤(Marco)在2018年找她演《白色强人》,对方更不理众人反对雪中送炭让她有机会复出幕前:“佢一直系咁畀机会我,令到更加观众喺剧入面认识我!”
2020年爆出负面新闻,面对陷入事业低潮的感受,他说:“当时一片空白、好彷徨,唔知道下一步应该点,觉得成个天跌落嚟咁!”觉得停工第9个月时最难受:“因为有前辈同我讲,仲有边个会用你朱智贤,似真系永不超生!开始好惊好担心、唔知点算。尤其那年冇收入,曾考虑过自己系咪需要转行。”停工整整1年后,她借剧集《爱美丽狂想曲》的宣传活动复出,受访时一度呜咽:“嗰阵我好感动,系Marco(罗永贤)畀机会我出番嚟,好多人同佢讲唔应该叫我嚟,因为会变咗焦点,但佢觉得要帮我,佢真系好伟大!”在无綫10年,觉得最大得着是承认男友谢东闵,亦分享与男友相识经过:“其实之前冇乜合作过,他参选《巨声》时,我仍在新西兰读书,亦唔知佢系边个!
纯粹系综艺节目《天与地》开会见过面,之后在宣传记招认识,之后系因为有共同朋友一齐出去玩先熟落。”问到男友最初吸引她注意的地方,她透露指:“因为佢同我一样都锺意狗!最搞笑系佢话畀我听佢只狗叫‘猪猪’,我呆咗,因为我嘅花名就系叫‘朱朱’!好搞笑。”因爱狗结缘,大赞男友多优点:“心地好好、有义气、个人好真诚,同佢相处好简单直接!”经历2020年的感情考验,她感谢男友一直陪伴及给予鼓励,令二人感情不减反增:“嗰年最初冇工做,系佢鼓励我去行山,叫我唔好再浪费时间。之后,我哋感情仲升华咗另一个层次,大家都唔同咗!”最后,问到何时计划结婚及生小朋友,她指:“佢carefree啲,觉得一齐就OK,一张纸唔代表啲咩!”
|
|