张兆辉霸气做“大佬” “老婆”胡杏儿赞演技了得

etin

艺人张兆辉和胡杏儿齐出席首度结缘的电影《困兽》首映礼，圈中好友杨玉梅、胡鸿钧、丁子朗及《声梦传奇2》参赛者文佐匡等入场支持。张兆辉表示会与吴启华，陶大宇组男团到佛山唱骚，问到男子组可会骚肌演出？他就谓：“我哋着西装，啲男人味就走晒出嚟啦。”
杏儿大赞饰演其老公的张兆辉演技了得：“好难有呢个机会。”又指在新片其角色好特别，虽然是演江湖大嫂，但少霸气，以温柔居多：“系新挑战，好多内心戏。”而饰演社团大佬的张兆辉就话角色是新尝试：“好型又有威严。”又指其中一场动作戏拍足7至8日，有爆破又要淋雨，亦曾因打斗戏太激烈而受伤，但坚持负伤顶到最后。​刚和老公在日本庆完生返港的杏儿，指今次撇低3位宝贝仔和老公过6日二人世界，问到是否趁机造人？她怕怕谓：“冇呀，我哋每年都有二人世界嘅，老公送咗个旅程畀我做生日礼物，（两公婆玩乜？）冇玩机动游戏，都系食嘢啦，我肥咗8磅。”

​稍后将偕“胡说八道”的圈中姊妹到洛杉矶及三藩市登台的杏儿，问到不用收身减肥？她即说姊妹团见其食物相也问她可担心身形，不过她有信心可极速减磅，问到以女团身份登台，可会性感造型演出，她就推波给团友黄智雯：“交畀佢性感担当，台庆嗰晚佢咁性感，不过我啲衫都ok嘅，唔系露就系性感嘅。”又谓老公和囝囝就会同行登台，25号圣诞节就落机留港过佳节。

女星邵美琪专程到场撑好友张兆辉，现正休息的她表示有兴趣做幕前演出：“虽然有戏瘾，但都要睇戏做定功课先，我成日都想做每个工作都有新嘅感觉。（想挑战咩角色？）唔知呀，交畀导演同编剧去谂，睇佢哋想我做咩角色。”问她可心郁拍电视剧？她坦承之前与无綫及内地方面也有倾过，惜未成事。提到网民指无綫欠她一个视后奖，她闻言即说：“唔想攞，我唔知讲咩，我唔识讲，咁我多谢佢哋搵我（拍剧），唔一定要有奖，我享受拍摄嘅过程。”又指因演员也好戏，提议不要只得一个视后奖：“10个，奖系一个鼓励，唔好限定得一个，六合彩都可以有10个人中啦，点解唔可以畀多啲？”
问到可有留意后辈的演技，她说有，但记性差，对后辈姓名还未有印象，又指新一辈的演技跟以前的表达方式不同：“有啲人觉得开心未必系笑，可能系喊，佢哋有好多新谂法，唔同电视台都有唔同嘅嘢。”她又笑言因要求高及太贵关系，所以无人问津：“我要有辉哥（张兆辉），又要有华哥（任达华）先再拍。（好难喎！）要有好剧本，好对手同好老板先会接拍。”