|
艺人汤洛雯、朱千雪、张嘉儿、岑杏贤及蒋家旻感情极Close,早年更组成“2LINE党”做闺密,依家汤洛雯同视帝马国明婚礼举行在即,众姐妹梗系要为准人妻大搞Bridal shower,齐人扮靓靓晒感情。昨日(13日)汤洛雯就晒出大合照,见佢以红色low cut吊带短裙上阵,主角光环明艳照人,其他人就以白色打扮,衬托出女神靓靓又够索。见佢哋准备好晒气球、皇冠等必备items,又有大扎鲜花贺汤洛雯,合照效果十分养眼。汤洛雯就感性留言,指估唔到自己可以识到呢班best friend:“人哋话中学之后,好难会再识到知心好友,我好感恩喺我演艺路上会遇上呢班咁善良又靓嘅女仔!多谢你哋嘅礼物,我真系好锺意!”友情爆灯。
|
|