|
刚诞下第二胎的女星余香凝(Jennifer),除了照顾大女及细仔外,早前更为地产发展商拍摄宣传短片,片中同样演两子女之母,穿梭草地、波波池等多个地方与小朋友一齐“放电”,她直言成为母亲后,更懂得怎样与小朋友相处︰“未生小朋友前,我同小朋友做戏系有少少唔知点样去埋手,点同佢哋玩,依家我觉得系非常OK,虽然自己个女仲系好细,但至少我知道要喺佢哋嘅世界,接触小朋友时候唔好当佢系一个小朋友,而系同辈,用朋友角度,咁样就会更易走入到佢哋嘅世界。”谈到与5岁小演员演对手,Jennifer不讳言攰爆,不过脑海中亦幻想女儿长大后会是怎样︰“同小朋友玩系精神上嘅攰,你要投入佢哋嗰个世界,同埋你要燃点起佢哋嘅情绪,要好有energy同好hyper,所以拍咗一个上昼出嘅汗系多过做运动,所以凑小朋友系一种好好嘅运动。”问到会否“亲子档”上阵工作?Jennifer直言︰“阿女好有表演欲,所以只要时间唔会令佢太辛苦,唔会影响到佢学习,咁我觉得都可以畀佢玩吓!”
|
|