|
花旦陈茵媺(Aimee)在复出作中跟老公陈豪合演情侣,Aimee自爆要求镜头后两人保持距离,惟老公依然故我,更遭对方诈型冇咗个老婆。Aimee自认现实太乖,渴望下部作品挑战曳曳角色叛逆一下。陈茵媺相隔9年再度拍剧,在无綫剧集《罗密欧与祝英台》中以“祝英台”及“祝英乔”两个身份示人,既要摆脱靓女形象女扮男装,又要兼顾情绪戏及动作戏,Aimee扬言是入行以来最具挑战性及最难的角色,更被老公取笑是攞苦嚟辛。虽然辛苦,但Aimee对自己表现感满意,总算对自己及观众有交代:“入面见唔到自己嘅影子,希望作为另一个阶段嘅新开始,可以带畀观众惊喜,畀大家见到不一样嘅陈茵媺。”
讲到回归作跟老公合作,Aimee不讳言是一种压力:“演出时好紧张,因为作为演员身份,唔知点对住佢,对住一个唔熟嘅演员,反而容易投入。”她笑言镜头外要求老公对她保持距离:“佢仲系成日Honey、Baby咁叫我,Cut机后我要保持番个角色嘅感觉,好难做到即时切换角色同现实身份,所以佢话嗰段时间好似唔见咗个老婆咁,我拍完剧花咗两三个月先抽离到角色。(返到屋企点保持距离?)系心入面嘅距离,嗰个唔系平时嘅我,我自己冇留意到,拍完隔咗两个月,老公话我老婆终于回来。(对佢好冷淡?)或者系,因为平时我系好锺意黐住佢同好嗲。”由于拍摄长达半年,她指小朋友在拍摄最后3个月喊过不停:“因为我成日唔喺屋企,所以佢哋唔开心,最后3个月囡囡每晚都喊,仔仔成日问我几时返屋企,话好挂住我。”Aimee坦言希望再拍剧,问到身为母亲的她能否接受坏女人角色?她说:“可以,因为做妈咪好多嘢唔可以做,要做个好榜样畀小朋友睇,我乖咗咁耐,都想喺戏中曳吓。(性感演出呢?)性感得到嘅话,有何不可。(再同陈豪合作?)如果一齐合作,屋企就真空,冇人凑小朋友喇!”
|
|