|
艺人陈茵媺、周嘉洛、游嘉欣、邝洁楹、古佩玲、江美仪、徐文浩和吴子冲等,昨日(4日)为《罗密欧与祝英台》宣传,陈茵媺近日剧情开始做回女仔角色,她称收到好多粉丝及朋友的短讯,表示感到惊讶,以为她一直会做男装。她指对其中一场喊戏留下好深刻回忆,喊到崩溃,投入到整亲手脚也不知:“嗰场喊到收唔到声,喊足几分钟,因为要掟烂嘢,唔可以拍好多次,导演之前同我讲定,就算掟烂镜头都唔好讲Sorry,叫我继续做唔使担心。”她表示陈豪尚未睇,笑言该场喊戏帮了她不少,让她将工作压力和凑仔压力一次过释放:“因为拍剧要扮男仔,束胸好辛苦,又唔可以笑太多,同时要兼顾照顾小朋友,喊完之后自己真系舒服晒。”近日宣传频密,上次穿露背装,今日以露肩上阵,问下次会否挑战再性感?她笑言平日做妈妈角色比较密实,做艺人时就可以做回自己:“可以大胆啲,玩唔同嘢,冇妈妈包袱。”
|
|