|
女子组合Twins成军22年,原定两年前计划举行20周年演唱会,惟当时受疫情影响作罢,故延至今年年初才预告将重返演唱会舞台,而近日终落实Twins将于明年1月21-23、25-27日,在红馆举行6场演唱会,此乃二人相隔9年再次于红馆合体。​早前阿Sa(蔡卓妍)及阿娇(钟欣潼)为演唱会拍摄宣传海报,二人以红色造型拍摄,既性感又活力,拍摄她们互殴搞笑动作时,阿娇爬到阿Sa身上,突然失去平衡尖叫倒地,工作人员即上前了解,幸好孖妹未有扭伤,还笑作一团慢慢爬起来,阿Sa笑言:“佢跌嗰下真系吓鬼死,哈哈!我想用力拉住佢都搞唔掂,因为我唔系抱住佢,佢喺我背脊,好彩我哋喺地面重有个木箱托一托,所以阿娇都冇事。”阿娇则表示:“冇事,其实唯一喺旁边用吹风机个工作人员,佢扑过来想帮我,我又跌得太快,佢手上面枝吹风枪就撞正我条颈度,嗰下有少少痛。”
谈到今次演唱会以“SPIRIT”为主题,阿娇直言此乃Twins精神:“虽然张海报我哋喺度互殴,但我哋个精神就系永不放手,所以廿年嚟都冇放开过对方!即系同今日影相嗰时一样,永不放手,跌低一齐跌低,起身一齐起身!”阿Sa就表示Twins精神指双方多年也是一条心,无论顺境逆境均在一起:“今次有咁嘅构思,系因为廿多年嚟,我哋实在影过太多靓相,想影啲靓又有另类啲感觉嘅,所以就影啲好玩啲!”谈到阿Sa声带有事,问到现时是否已康复?阿Sa说:“都有少少担心,不过我估OK嘅。”问今次演唱会有甚么新元素?阿Sa表示:“Twins多年嚟都系带开心畀大家,今次都唔例外,至于点精彩就到时睇演唱会感受,依家唔可以讲太多。”阿娇则说:“我估我哋会比过去演出辛苦,因为加好多新嘢,不过好期待,辛苦都应该系值得同开心。”
|
|