翁虹咪嘴忘情献唱经典歌 新发型曝光惹网民爆笑

etin

有“美魔女”之称嘅艺人翁虹现年已经55岁，但保养得宜嘅佢，靓样十年如一，脸上丝毫睇唔出年龄嘅痕迹。近年佢主力喺内地发展，仲挑战直播界搵银。成日都会喺社交网分享生活点滴嘅佢，近日上载咗一条咪嘴高歌嘅影片，怎料网民忽略咗佢嘅歌声而系被佢嘅发型所吸引住。影片中，佢打扮休闲，穿着白色恤衫，展现其迷人嘅锁骨，忘情献唱，仲对住镜头手舞足蹈。搞笑嘅系佢嘅头发随住佢摇摆而晃动，甚至飞起。但仔细一睇，先发现飞舞嘅并唔系佢嘅头发，而系佢身后嘅盆栽，因为视觉错位导致睇起身好似佢啲头发。唔少网民都留言表示一开始仲对佢嘅新发型感到疑惑，正想留言先发现原来系自己睇错，相当搞笑。