|
艺人黄祥兴日前接受电台访问,谈及5年前曾因无綫经理人合约满转签部头约外闯,指当时外间有不少工作机会:“系有很多机会,例如电影,做下主持同唱下歌,有不同的发展。”完电影《叶问外传:张天志》后,无綫游说他回巢,适逢爆发疫情才签回经理人约:“系公司主动叫我返去,感觉被人睇重先叫我回来。但呢3年好平淡,冇咩特别嘢发生,加上我第3个仔又出世,个包袱愈重。”他想趁自己45岁仍有能力到外面世界寻求更多机会,所以完约前已去意已决,坦言无綫亦有挽留他:“完约前1个月,叫我同样条件签多3年,但听到呢个条件,心谂唔系‘3年又3年’?3年后我48岁,真系老啦!不如趁依家45岁出去搏!”
香港出世,5岁跟父母移民巴黎,于法国生活过18年的他,他指自己出身于基层潮州家庭,是个有着中国传统潮州人思想的怕丑仔,成长期间,多是外国女生主动追求,指法国人浪漫早熟,他10多岁已有性经验,回港认识太太前,有过近20段感情:“我细个已锺意打扮,加上我读嗰间中学少亚洲人,女同学会会透过朋友话锺意我,问我可唔可以一齐放学,仲系多数女仔做主动。”入行后只传过跟一位圈中人交往,他也坦言:“我唔锺意嘈同埋夜蒲嘅地方,都冇乜机会识女仔。”
​入行后,同届港男高钧贤介绍而认识圈外的Peggy,他终于明白何谓一见锺情,并主动追求对方:“有一次收工,高钧贤叫我去个朋友生日Party,点知去到原来系一间Club,我就唔锺意跳舞就坐埋一边,Peggy又系一个人坐埋一旁,我问佢点解唔跳舞,佢话唔锺意跳舞,就对佢加分,我哋倾偈后,又发现佢喺加拿大回来又识讲法文,感觉好啱倾。”他直言很喜欢Peggy的外形,可算是一见锺情,亦是他第一次主动追求女仔:“吸引我,因为佢同样爱静,亦因为佢嘅外形,已经系一见锺情,之后慢慢要求朋友做媒人,打听佢嘅动向同约佢,平时女仔会对我有反应,但Peggy好难追,最初会拒绝,咁我惟有更主动!”拍拖2年后,两人于法国注册结婚,之后生3位小朋友:“潮州人锺意热闹家庭,想家庭圆满系计划生2个,但细仔Damain系意外。”
|
|