|
艺人周秀娜、黄浩然、郭政鸿、关礼杰、蔡颖恩昨晚组成“叠影狙击”队伍参加无綫节目《思家大战》,周秀娜和黄浩然2人合作无间,甚有默契,表示对玩游戏好有信心,实赢!黄浩然表示自己自从《法证先锋IV》之后,好耐都未有拍摄无綫剧,有机会嘅话都想再拍,对于电视城就感觉好似返到屋企咁,不过搞笑嘅系佢揸车嚟电视城时就几乎行错路。提到《叠影狙击》成为台庆剧,周秀娜称呢个系继《宫心计2深宫计》后自己第二出台庆剧,有份参与已经感到好开心,唔会有收视压力,拍摄时尽自己全力投入拍摄,希望观众会锺意。随后,黄浩然大爆佢拍剧时搞到周身伤,佢就解释系因为自己成日穿着贴身牛仔裤及皮褛,唔可以加护垫,又笑言自己身上“无忽好肉”:“拍摄时又全身敏感,记得有场戏要同Bosco(黄宗泽)一齐跑,但我着高跟鞋,喺鞋底贴定胶纸,惊甩鞋。”
另一套电影《尾随》,两人就无对手戏,而周秀娜嘅戏份经已拍完,喺戏中佢饰演古天乐嘅老婆,仲透露戏入面2人只有感情线无动作戏。被问到有冇床戏?佢就表示2人已是老夫老妻,而且感情濒临悬岸边。黄浩然戏中角色搞笑,拳脚戏多,佢表示:“我可以做平时做唔到嘅嘢,窒吓老板(古仔),又打吓佢块脸,会好投入,尽情发挥,哈哈!”佢话好多人好耐冇喺剧集见到佢,误以为佢已经无拍戏,逐透露自己将有作品陆续推出。
艺人冯盈盈就联同邓梓峰、黎芷珊、林溥来和吴幸美组成“台庆MC”队应战,身形清减不少嘅佢,透露自己回复选美时嘅21吋半腰,全拜饮食及运动所赐。正修读营养学硕士嘅佢,经常有人向佢求教瘦腰不瘦胸嘅方法,佢认为最紧要系均匀饮食。又表示自己硕士即将毕业,有意再进修,问是否为转行铺路?佢就话:“系长远计划,但做营师要考牌,需要医院实习一年,要工作配合到至得。”今年佢冧庄再做台庆司仪,早前已经完成两剧《妳不是她》和《逆天奇案2》嘅拍摄,有望明年播出,下周便举行节目巡礼,佢直言十分期待。
|
|