|
艺人锺欣潼(阿娇)今年6月忽然传出有新恋情,孖内地富贵TB网红皇甫圣华当街锡面,亲密互动频繁,二人又试过同一时间身在泰国布吉,不过就刻意未有上载合照,令网民对二人嘅“姊妹情”有唔同揣测。估唔到今日(19日)凌晨,阿娇喺社交平台直接上传二人头贴头亲密合照,及写下:“Happy Birthday”本来同best friend庆生都好平常,不过观乎二人早前锡面嘅绯闻,加上今次合照更为亲密,唔少网友即视此为“正式官宣”嘅表现!大批网民涌入留言畀阿娇,好关心佢同皇甫圣华是否情侣关系,阿娇仅回覆:“哈哈哈,你们放心,我还是最爱我的阿Sa”含糊回应反而令二人关系更显扑朔迷离,不过同时亦有网民留言大撑阿娇,指依家时代思想开放,佢想点做都会支持。
|
|