江美仪打Golf留阴影 搞到成面血险毁容

etin

无綫节目《约埋班Friend游香港》昨晚(11日)播放最后一集，四位主持滕丽名、麦长青（麦包）、江美仪和陈浚霆去到湾仔海滨长廊坐“鸭仔船”游维港，之后陈浚霆带江美仪、麦包去到荔枝角一个商场玩室内高尔夫球，美仪期间自爆出事经历：“我以前都打过，但受过伤之后就冇再掂过！”她指着脸上的伤疤说：“有一次喺澳洲参观高尔夫球场，当时有个6呎高嘅外国人用最大嘅球杆打紧，佢打唔中个波但打中咗下面旧木方，之后支杆个头向后飞，我架车啱啱驶过就打咗落我块面度，成块面都系血！”美仪又指同场的妈妈吓得不知所措，而她出事后开口第一句就是“我有冇毁容？”幸好最后没有大碍，美仪坦言：“依家仲有少少黑印喺度，我做咗好多次Laser㗎喇！”
​麦包又孖住滕丽名搭缆车上山顶，两人望着维港靓景趁机各自大赞另一半。麦包谈到与太太拍拖8个月便结婚，他说：“我识咗佢3年，当时大家嘅外表唔系大家想要嗰啲，我锺意眼大大、短头发，但相识咗几年之后，发现佢内在美、性格都系我想要嗰种。”与老公爱得甜蜜的滕丽名则分享夫妻相处之道说：“闹交唔会过夜，第二朝起身就要锡锡㗎喇！”节目尾声，4位主持合体Glamping，大玩游戏互选最Mean、最麻烦、最长气之人，由“街童”升呢成“街霸”的陈浚霆竟大胆直指美仪最Mean！