炎明熹“舞”出色打觔斗 哽咽唱姜涛神曲送畀曾经的自己

etin

昨晚（7日）在九展开处女骚的“声梦人气”王炎明熹（Gigi）除了大唱拿手的抒情慢歌外，中段时Gigi一改斯文的乖乖女形象，换上黑色热裤一口气跳唱《别找我麻烦》、《Freakin’ Nightmare》、《刀马旦》及《Little Magic》4首快歌，期间由舞台员抬起她360度打觔斗，惹得全场尖叫，令大家耳目一新。
​Gigi自言第一次开个唱有少许甩漏，叫大家给掌声鼓励她：“彩排咗一段时间，话长唔长话短唔短，希望籍今次演唱会令自己进步同挑战吓，跳舞都彩排咗几次，但人算不如天算，舞衣其中一部分甩咗，你哋睇唔睇到？跳舞真系好难，所以我好佩服唱跳老师同跳舞老师，我对跳舞好大兴趣，大家对我好好，跳舞老师好似哥哥姐姐咁照顾我。我准备好多歌，之前同导演开会，佢问我平时听咩歌，我传咗我个歌单畀佢，有1,000以上首歌，接下来会将喜欢歌曲送畀大家。”

Gigi除了自己的歌曲，也唱了不少其他人的作品，当中包括MIRROR成员Jer的《Jonathan's Soliloquy》以及姜涛的《Dear My Friend,》。当她唱出《Dear My Friend,》前，她表示：“我出道2年身边有好爱锡我嘅亲人、同事、朋友，我非常开心，一直都觉得自己好幸运，有陪我踏上舞台嘅亲人、唱歌老师同声梦朋友。”她自爆有粉丝送了一支紫色咪给她，但总彩排前一日坏了，幸得同事帮她找到同型号的咪，而耳机亦在总彩排时坏掉，多得唱歌老师托朋友找到多款耳机给她：“感恩有一群天使们，我要将以下歌曲送畀佢哋以送畀曾经嘅自己。”

唱到歌曲尾声，Gigi突然唱不下去，并转身强忍泪水，她哽咽唱出最后一句并说：“我本身忍得住，但眼泪系唔听人讲嘢。首歌我点唱都系会喊，虽然呢位歌手姜涛先生系送首歌畀离世朋友，但我想送畀好锡我嘅朋友以及陪我成长嘅粉丝，佢哋系我好大动力，因为我话送畀曾经自己，所以系会忍唔住喊，人成长之后，以前嘅自己会唔见，希望佢会回来，我觉得佢会回来，我会等佢，希望喺路上可以再遇到佢。”

除了唱歌以外，Gigi在台上分享粉丝所送的手写信：“觉得手写信好珍贵，我收咗5个月饼罐咁多嘅手写信，大家可以尽情地送信畀我，我会储起佢，当大家见到我流落街头，就系啲信满晒屋企。”她谓不知道可以陪大家多久，但承诺会努力成为值得大家锺意的歌手，扬言没有大家的支持没有今日的炎明熹。