|
艺人袁伟豪与太太张宝儿早前“一家三口”拍广告,宝儿指拍摄时虽已怀胎6个月,但BB相当识做,未有突然“长大”,好让她继续以靓靓身形示人,故将酬劳全数拨入BB成长基金以作奖励。
袁伟豪与张宝儿结婚3年,宝儿今年6月宣布怀孕,但未有停工,还预告密密接Job搵奶粉钱,话口未完,一个月后即接下汽车品牌广告,首度“一家三口”亮相!当时怀孕6个月的她胜在收得好,骤眼看来丝毫未见孕味,她接受访问时,笑指老公拍摄前跟腹中BB谈判:“个广告唔系想Focus小朋友,系讲一对Couple,所以袁生同BB讲拍完广告先好大,BB好听话,个肚真系喺拍完之后突然变大!(酬劳归你?)全数拨入BB成长基金。”
距离预产期尚有一个月,她透露现时身体状况良好,但“走佬袋”只准备了一半:“人哋话一准备BB就会嚟,其实依家都进入直路,BB喺身体入面大得好快,比之前重咗8、9kg,因为一直冇用托腹带而搞到骨痛,呢两日用番就冇咁痛。(几时公布性别?)未呀!不过影咗孕照,好快同大家分享。”
她指老公现时连拍两剧,其中一套要在内地开工,但也会抽空返港照顾她:“佢一冇通告就会返嚟几日,不过我OK,只要留意瞓觉姿势。(有冇抽筋?)试过一次。(呢排唔接工作?)睇工作性质,做到都会做,不过人多地方就唔去。”至于准爸爸袁伟豪表示心情尚未紧张,但很期待BB出世:“每日都惊有啲嘢漏咗。(请定假未?)预产期11月中,已经分别同两套剧嘅剧组请定假,好在佢哋协调得好好,有足够时间畀我休息。”
|
|