|
视帝陈展鹏父女档上阵拍摄无綫节目,女儿小猪比化身“家姐”,照顾同场的小妹妹半粒钟,展鹏与太太单文柔对爱女应付自如大为感动,他更扬言想生多两个小朋友,组织5人大家庭!
陈展鹏父女为无綫亲子真人骚节目《爸知弊!你嚟凑吖!》任嘉宾,制作组刻意安排囡囡小猪比与另一家庭的小妹妹Sophia一起录影,因小猪比一直恨做姐姐,故吃饭时对小妹妹十分关注,主动喂食又提出“爱的抱抱”,画面温馨。单文柔(Phoebe)亦指女儿非常期待与小朋友玩,经常希望自己有妹妹或细佬陪伴。
节目安排小猪比独力照顾小妹妹30分钟,没料她因不想与展鹏分开而爆喊,即令展鹏甜在心头,他说:“证明我喺佢心入面一定有位置,同埋安全感。”又罕有分享教小朋友要“爱得中庸”:“小朋友就好似植物咁,你唔可以日日埋去搞佢,你一定要了解佢,但只眼其实系望住佢。如果太过关爱,佢有时可能会反感。”而小猪比听从爸爸劝告抹乾眼泪后,随即“变脸”化身家姐照顾小妹妹,并按照展鹏遥距指令进行喂奶、着外套及穿鞋3项任务。
眼见女儿“凑妹妹”应付自如,令Phoebe及展鹏大为感动,展鹏更预告想追多两个小朋友:“真系好紧要,多个小朋友,佢哋学识好多嘢。(系咪好想生多个?)直头想生多对。”问到想生仔还是女?他与Phoebe异口同声表示较喜欢女儿,Phoebe亦坦言为了囡囡,有认真考虑再追B:“佢有个进阶版,有一日佢将个公仔摆喺个肚度,跟住同我哋讲自己生,佢会随身携带一个BB公仔,话系佢妹妹,带住出街玩。”
至于展鹏父女应制作组要求自制心意卡送给Phoebe,展鹏感激太太之馀,亦承诺会帮忙分担家事:“我觉得对佢有少少唔公平,依家小猪比都读书喇,佢可以有多啲时间做自己锺意嘅嘢,咁我咪顶住屋企嘅嘢。”心意卡上贴了“999”数字,他趁机发表肉麻宣言:“叫佢唔使打999,有咩搵我得喇,我就系你嘅999。”
|
|