郭富城变跟得老公陪方媛Shopping 豪买高档童装

etin

天王郭富城2017年同细22岁老婆方媛结婚至今，共育有2女，一家四口生活幸福美满。而向来出名锡老婆嘅郭富城，继上月被网友野生捕捉陪老婆行商场买珠宝后，最近去咗英国玩嘅夫妻2人，又再被网友捕捉到恩爱行街嘅画面。只见打扮朴素低调，身穿黑色Tee嘅郭富城，同上身着白色外套衬牛仔裤嘅方媛，一齐喺英国行商场睇衫，不过今次2人唔系为自己买衫，而系为2个宝贝囡囡买衫，只见方媛边行边睇拣衫，而天王郭富城就变成廿四孝好老公，全程跟到实。不过值得一提嘅系，2人所睇嘅童装店系童装界嘅美国名牌货外，连一件款式最简单、最平嘅连身裙都要价350美元（约2千7百港元），而该品牌嘅其他系列更要1千至2千7百美元（约8千3百至2万1千港元），认真奢侈之外，亦引嚟唔少网友羡慕方媛嫁咗个好老公。