|
女星张曦雯(Kelly)近日与男友去到菲律宾旅行,连日来晒出多张泳照,日前佢又上载海边靓相,见佢Tube top上阵露纤腰,并再次换上大露背泳衣骚美背,一步一步咁行入海中,大晒性感蜜桃臀,之后佢同男友喺海边大叹烛光晚餐,相当写意。其实佢哋此行系去到菲律宾巴拉望北部嘅库约群岛,并入住其中一个私人岛屿嘅豪华Resort,小岛私隐性极高,要由首都马尼拉乘搭小型飞机先可以到达,而该豪华度假村,全岛只有58间小屋及别墅,房价由1400美金(约10900港元)起跳,唔少国际名人,包括比尔盖茨(Bill Gates)及朱克伯格(Mark Zuckerberg)等都曾入住,大有来头!
|
|