苗侨伟练拳虎虎生风佬味浓 尽骚强壮臂弯引死人

etin

艺人苗侨伟同老婆戚美珍育有一对子女，而随着仔女大晒有属于自己嘅世界之后，苗侨伟同老婆戚美珍嘅2人世界亦过得相当精彩。向来喺圈中型佬代表之一嘅苗侨伟，多年嚟保养有道，Fit到漏嘅好身材亦被唔少粉丝大赞“愈老愈有型”，最近喺香港拍完剧就即刻飞加拿大同仔女团聚嘅佢，亦不忘继续搵教练操身材外，教练更大有来头，竟然系健身及拳击教练MMA选手许博焱，而许博焱亦大赞苗侨伟状态大勇：“今天第一练。拳法、力量很好！”苗侨伟虽年届花甲之年，不过片中嘅佢仍拳拳有力，耍得虎虎生风外，举起哑铃时所露出嘅强壮臂弯，更系令人睇到眼定定。事实上，近年苗侨伟除向MMA拳击教练拜师学武外，就连欧式泰拳、划艇机及单车机等都有接触，体能认真惊人。