|
梁嘉琪与陆诗韵昨日(1日)为HOY TV健康资讯节目《健康关注组》进行录影,诗韵是新加盟主持,她透露已相隔10年未有担任节目主持:“都有啲紧张,我之前未做过咁深入嘅健康资讯节目,都系一个几新尝试。(点样打动你出山?)我最锺意都系主持工作,因为自发性高啲,唔需要演人哋,我锺意做自己。”首天录影的她有做足功课,笑言来到现场即时跟“师姊”嘉琪请教。至于会否想再拍剧?她坦言:“乜都想做,问题系啲人以为我唔拍嘢,其实我有挂住幕前工作,有机会都会想拍剧,都好享受。(兼唔兼顾到生意同幕前?)时间系可以安排。”
嘉琪指今次跟诗韵首度合作,大赞对方非常在状态。她指自从拍摄该节目后,便不时怀疑自己的身体状况:“我嘅警觉性会高咗,身边朋友唔舒服,我就会即刻谂系咪有咩某方面问题,我仲储起咗一叠医生卡片,啲人话活到某个岁数,一定要识律师同医生朋友,我以前冇乜朋友系读医,依家识好多医生。(你识咗好多笋盘?)全部结晒婚,好多人带小朋友嚟录影,一行入录影厂见到个医生几靓仔,但后面原来带住个小朋友。(向节目组要求请未婚医生做节目?)如果下次续约嘅话,我要加呢个条款,我唔使加人工,有单身医生就得,我唔短视,我系投资未来。”
|
|