陈婉衡拒公开恋情 邵初少食多餐努力减磅

etin

艺人陈婉衡昨晚（1日）上录影节目《奖门人Happy Summer感谢祭》，以一身紧身T恤打扮现身，“胸”狠非常！谈到近期罕有亮相银幕，她说：“因为做健身教练成绩唔错，所以依家幕前同教学生两边兼顾，我做娱乐新闻居多，仲未退出嘅。”记者打趣指她教健身教到掘金，她坦言收入不错，但表示金钱不是唯一：“帮到学生减肥收身，其实真系好有满足感。”由于教堂时间很有规律，她坦言拍剧方面只能客串。
她又坦言自己最大心愿是成立个人健身教室，以及进军健康饮食生意。当被问到感情生活时，她笑得相当灿烂，但不肯直认拍拖：“了解中，都一段时间嘞，对方就系从事健康饮食嘅。（仲乜都低调？）上次太公开，吸取咗教训，万一分开就唔想解释咁多。（同佢合伙做生意？）又唔会，怕闹交呀，合作吓就冇所谓。”

近期比较少露面的邵初有参与录影，她透露留守内地时间居多：“好似啱啱同麦长青花咗10日，喺中山及江门等拍咗个旅游节目，以食为主，食咗乳鸽、特制牛内肉及脆肉鲩等等。（冇肥到嘅？）返嚟减番啲嘞，依家少食多餐，努力减磅！”谈到本届港姐举行在即，她亦有留意，大赞中英混儿佳丽Lea漂亮，又说：“今年搞咗入围真人骚，觉得好苛刻，例如净系睇对眼咁，如果我今年参加可能三甲不入。”

另外，同场林盛斌（Bob）带同一家现身录影。谈到他于社交网晒出参加细仔幼稚园毕业典礼消息，留言指“应该系最后一次”，Bob笑言：“张继聪有留言，我叫佢一齐（再生）啰。细佬喺毕业礼有上台致词，我都有帮佢练吓，发现佢口才都唔错，平时影相有多古灵精怪表情，我觉得佢都遗传咗我嘅演艺细胞。”他又指最感动是当年大女儿的老师，如今已作升上副校长之职。
他又指早前主持的水上游戏节目，反应不错，更令赞助场地的酒店预订爆满：“佢哋有泳池系室内嘅，所以计划紧12月再拍一次，我都同佢哋讲想带啲仔女过去玩番3日2夜，因为嚟紧佢哋妈咪会带佢哋过加拿大探亲，我因为时间上就唔到，所以冇得去，想喺佢哋出发前家庭乐吓先。”