|
“星爷”周星驰早前趁住61岁生日,宣布相隔4年“复出”拍《少林女足》,仲透露新片会打入国际,公开招募唔同国籍又年轻貌美嘅女士去参与海选,并开出入围条件:“今天我只有一个愿望,就是能与 一大群不同国籍、年轻貌美、身材标致、天资聪敏、体能出众的靓女,一起共渡难忘时光,人数不拘。”仲讲到明绝对唔要P图造假,即时引起网民热烈讨论。​昨日(24日)身高有1米88、已退役嘅前中国女足长腿美女门神赵丽娜于社交网拍片自荐,佢表示自己体能出众,会第一个报名参加海选:“星爷,你看我能不能有机会争取一下这个角色,女足的电影,我必需要去争取。”睇嚟佢真系好有信心喎,唔知星爷又会唔会拣佢呢?
|
|