唐诗咏东京街头高调“揽仔”示爱 “锡咗3次”冧到晕

etin

视后唐诗咏自去年约满离巢后，无约一身轻嘅日子过得相当写意充实，除同朋友约会、四围飞旅游外，前段时间过生日嘅佢仲去埋跑山，认真犀利！而感情动态一直空白嘅佢，昨日（17日）就喺社交网高调晒出同“新欢”约会嘅合照，并兴奋强调：“佢锡咗我3次！”唐诗咏喺社交网表示：“约咗小情人，佢锡咗我3次，然后姑姐变家姐，咁我只好叫爸爸。”文尾更不忘Hashtag番“#浪漫的东京街头”，原来系陈山聪一家三口咁啱去咗东京玩，所以就搵埋原本喺东京玩紧嘅唐诗咏食拉面，而所谓嘅“小情人”则系陈山聪嘅2岁囝囝陈霆轩（Jaco），他乡遇故知又唔怪得唐诗咏笑到见牙唔见眼咁夸张嘅。