姚焯菲公开择偶条件 拒留学新西兰同父母嘈交

etin

“声梦”小花姚焯菲（Chantel）身在新西兰留学，早前她返港宣传新歌，并接受电台录音访问，出身富裕家庭的她，有一妹妹，谈及成长背景，她坦承儿时曾幻想当演员，但母亲自小管教极严，一直反对她发明星梦，而爸爸较任由女儿发展，协助她参战《声梦》纯希望为女儿增加人生经验，全家人都没想过她能成名杀入三甲，她说：“我冇学过唱歌，比赛零经验，面试时已心知炎明熹（Gigi）一定是冠军，Gigi佢好得意，总系唔出声，但一开口唱歌，就好犀利全场都震惊。我只系喺比赛过程慢慢进步，多谢JW老师等多位导师指导我，亦多次跌入过危险区，先了解人生总唔会顺利。”

两年前15岁孖住战友炎明熹一起出歌横扫新人奖，名利在望却毅然离港升学，她坦承最初曾极反对父母的决定：“一开始是有担心，好地地冇需要走，最初更反对去新西兰，会不开心、会嘈㗎！因为之前唔认识新西兰，以为只有一片草地同好多羊，羊可能多过人，会好闷好唔锺意！但父母带咗我去一次，先知系城巿好安心先开始计划。”对于过往有不少艺人歌手离开娱乐圈后要面对人走茶凉的现实，Chantel说：“最初都有担心，但依家时代科技唔同咗，喺嗰边我锺意开Live就开Live，想几时出Po就出Po，我两个月又返来一次，喺嗰边可以专心读书，放假又专心做歌，系可以平衡到，最重要呢次回来我真心觉得自己成长同独立咗，呢个系最大得着。”

她指自己与公司及父母已有5年计划，直到21岁于新西兰读完大学期间，每逢长假期也会返港出歌。至于身在新西兰“冇王管”，问父母有否严禁她拍拖？那边有没有追求者？16岁的她一脸认真说：“我读女校住女生宿舍，朋友全部都系女仔。父母知我大个女，冇乜提点。”至于她的理想男友条件，她说：“专一最重要，其次系要有礼貌同性格要谦虚，我遇过亦最唔锺意嗰啲自大，自以为有钱就不断炫耀嘅男仔，就算佢几好样都唔锺意！”少女情怀总是诗，问她恨唔恨有拖拍，她再坚定的说：“其实冇所谓，但依家我好想自己一个人，真系唔好搞我！因为我好想专心做我要做嘅嘢，好想专心读书，亦好想专心工作，依家就算有一个男仔来，我都会说拜拜！No！”