|
本帖最后由 etin 于 2023-6-10 15:15 编辑
江若琳生咗喇!她(7日)为老公萧唯展诞下B仔,B仔取洋名Owen,重5.8磅,十分精灵可爱,照片中又识嘟嘴凼人呢。江若琳在社交网报喜说:“我们仨的第一张合照Bb包我哋终于见面啦!我等咗你好耐啦,虽然你比我预期中早咗两日出现,明明妈妈我book左餐厅 食餐好过两日先施施然生你架嘛!唔紧要 以后你嘅人生都可以好似咁 由你自己去决定,我知道呢个系你嘅选择,我会永远支持你尊重你,爸爸妈妈会成为你生命中最强大嘅后盾,你突然间要发动,一切黎得好快!虽然过程中有少少惊险,但当下我只系知道我要拼尽所有力气去保护你,将你平安带到黎呢个世界我哋合力完成啦give me five 感谢你健健康康 ,平平安安!”
“另外都要多谢半夜赶返黎嘅麻醉师 张医生太好手势,减轻左我太多痛苦,儿科医生彭医生养和医院助产士同所有姑娘,你哋照顾得我哋好好,又好耐心教导我点样去做一个妈妈 !最后我想畀最大嘅掌声bb包爸爸,最初见佢慌慌张张,以为佢流流地 点知到生产整个过程佢一直畀好大嘅支持我,系我耳边打气 同我讲 :咩都唔好担心 加油push!!!!!!!!!然后佢克服晒佢最惊嘅事,我哋成功啦!bb包平安于6月7日 降落地球!谢谢你瀡滑梯黎到我哋嘅世界,你嘅出现令我人生变得太完整同美好!同大家介绍我个男朋友仔 OwenSiu”
|
|