张智霖爆16岁魔童专同妈妈作对：同我就好好倾！

etin

艺人张智霖（Chilam）与锺镇涛早前为综艺节目《马时亨 香港情》任嘉宾，Chilam谈到现年16岁的儿子魔童时笑指对方很“另类”：“有商有量嘅，都系锺意against妈咪，好正常，16岁比较反叛，同我好啲嘅，从细到大都close，好好倾。”Chilam提到前年魔童跟随他到内地住了数个月，同行还有太太袁咏仪，Chilam则偶尔便要离开一段时间工作，他透露最难忘有一次是魔童踩单车追着他乘着离开的车子，情景浪漫：“嗰时佢14、15岁，每次我离开工作佢都唔舍得，嗰段时间系佢啱啱想长大变成一个男人，但心里面依然对你好依赖。我记得嗰晚车嚟接我喇，嗰次要走一个礼拜，佢好唔舍得，喺后面一路踩住单车追住，我都唔敢回头，嗰个情景好触动。”锺镇涛听毕即惊叹很有电影感。
​谈到FaceTime等科技发展，Chilam指虽然对于维系家人之间的感情是方便了，但他却觉得欠缺了一样重要的东西：“少咗人同人之间嘅思念，我以前会写信畀妈咪，因为我去咗澳洲读书，你写嗰封信时系好真情切意，然后寄出去等佢回信，呢啲嘢又可以keep喺柜桶。思念是一种很玄的东西，无论男、女朋友之间，定亲情之间嘅浪漫都系，有啲嘢都系值得保留。”Chilam说毕忍不住自嘲old school，但还是不忘强调：“嗰啲嘢好有味道。”
Chilam续指魔童天性善良，随后举了一个儿子在外国拾到钱包的反应作例子：“我哋一家去咗英国，我同阿仔去食汉堡包，有个女仔经过时跌咗银包，个仔执咗就即刻去追番个女仔。但我个仔嗰时唔系好大个，九到十岁左右，但佢完全冇犹豫，呢个系我要学习嘅嘢。可能我相信性本善，佢系有呢样嘢喺里面，我一路睇住佢系正气嘅，我觉得几好。”不过人总有犯错时，Chilam指会视乎魔童犯错的严重性而决定如何处理：“例如对人好冇礼貌，或者乱冲马路，严重嘅嘢我会好严肃，但其他嘢可以easy going。人生已经咁困难，点解仲要更困难呢？我会叫佢自己谂吓啱唔啱，我唔会话唔准做呢个唔准做嗰个，有时明知你会濑嘢，但无伤大雅嘅，我都会叫佢试吓。”
锺镇涛则强调做父母亦需要与时并进，拥有一子三女的他笑指对于三名女儿的教育方式，有随着时代转变作出调整，并笑指现今社会小朋友才是话事人：“都需要似朋友咁相处，以前要成20岁先（同仔女）倾到偈，譬如我第三个女成熟得早啲嘅，可以好似朋友咁同佢倾偈，咁先可以了解多啲，仲好似严父咁，佢就乜都唔话畀你听。”锺镇涛又指很着重为小朋友开拓眼界：“依家啲细路见识要多，依家十几岁同我哋以前差好远，依家每个假期梗系去一个地方玩，冬天滑雪、夏天去海滩，佢哋见识唔同咗，吸收嘅嘢都唔同，可以与时并进。做家长都系，我最大嘅细路同最细嘅细路，对于我都好有影响，咁我咪一路学，活到老学到老咯。”他续指自己在家中主要角色是陪玩，并在太太发恶时扮演“白脸”，十分搞笑。