新剧惊传“绯闻” 保锜求宣萱包养：呢啲叫向上攀爬

etin

艺人姜皓文、何启华（阿Dee）及吴保锜等，昨日下午出席ViuTV剧集《极度俏郎君》宣传活动，吸引大批粉丝于场外围观等候。身为女主角的宣萱因工作关系离港未能现身，不过她有拍片为台前幕后打气，并大爆同剧的肥仔（梁业）及193（郭嘉骏）一个早到、一个例迟，搞到阿Dee“帮兄弟”大叫Cut机！

宣萱同时又指保锜口甜舌滑，开工日日赞她靓女，保锜受访直认不讳：“咁我真系口花，我仲问佢可唔可以养我？我32岁市井出身，能够攀上名媛及视后梗系好㗎，宣萱喎，由细睇到大都系咁靓，钱佢会继续加上去，而我就只会减，OK喎。（唔惊又畀人话沟女？）宣萱呢啲叫做向上攀爬，奋斗心系比较大嘅，我哋呢啲茄喱啡追视后喎，赖蛤蟆想追天鹅肉，呢件事几咁正能量！”后来他才澄清自己纯熟说笑。

问到宣萱这类型是否他心目中那杯茶，保锜连声否认，但被阿Dee踢爆他喜欢运动型，然而保锜强调：“依家事业为重。（惊咗？）感情嘅嘢唔需要特别强求，系缘分，有嘅时候自然会有。”阿Dee即接口：“我非常之认同，我依家只系追求一份好嘅剧本，大家快啲搵我啦。拍拖嘅嘢放埋一边，都帮唔到赚钱，ERROR踏入第五年，事业心刚起步，觉得就系呢几年㗎嘞，唔通仲嘥时间去拍拖咩？唔好搞喇。（导演会晚宴搲唔到job？）嗰晚我不断咁帮人斟酒咋。（拍完新片后唔系多咗剧本搵咩？）我经理人就成日搵我，我都同佢讲几时有剧本，只系多咗行内人认识。”

另外，谈到193迟到，他们坦言：“其实有劝过佢哋，但改变唔到。193其实有同宣萱‘倾过偈’嘅，好sweet咁同佢讲，咁坦白讲193有进步紧嘅。”久违银幕的姜皓文今午现身，宣传主演剧集《极度俏郎君》。谈到“愈晒愈黑”，他解释：“因为下个月接咗邱礼涛套戏，想自己黑啲同佬啲。（唔惊伤皮肤？）最紧要冇伤口，不过我都有起斑喇。”他透露已很久未有在香港开工：“之前去咗马来西亚几个月，顺便喺嗰边过年，又睇吓自己间屋，搞吓装修咁。原本疫情前装修喇，点知啲师傅返晒吉隆坡封城，依家年中可以开始，起码装修到年底，原来好多嘢搞。”而除了邱礼涛新片外，他还多接了另一港产片，同时又与马来西亚制作单位接触，参与幕后工作“学倾剧本”，相信有排忙。