黄宗泽餐厅装修后再开张 揸超跑撑场贵气十足

etin

艺人黄宗泽（Bosco）疫情期间为餐厅进行装修，日前再度开张，Bosco安排2部名贵跑车到场，其中一架更系古董超跑，由外国购入，属展品级，价值不菲。之后Bosco与一众员工齐齐切乳猪影大合照，场面热闹。员工亦劲like老板疫情间不离不弃，大家笑得非常开心。而Bosco亦非常贴心，与一直守候佢嘅粉丝团影相，更分享切好嘅乳猪畀粉丝食，感谢佢哋到场支持，非常有爱。

​而Bosco接受访问表示：“开业目标系想追番之前3年失去嘅生意，目标系搵8位数，初头觉得冇可能做到，但后来计一计其实有机会做到，所以依家嘅目标系一年搵过千万。”而问到佢做咩唔请艺人开张，佢就表示：“费事骚扰到其他艺人，又要影相，唔想麻烦到佢哋。今次都系请番啲熟客，开个小Party庆祝。”而问到“超跑”嘅价钱，佢就笑言：“钱嘅嘢唔好提，主要畀大家打吓卡。”