陈展鹏爱女求知欲强 狂报兴趣班咩都想学！

etin

陈展鹏与太太单文柔2018年结婚，隔年诞下女儿“小猪比”陈诺瑶（Quinta），夫妻二人不时喺社交网分享家庭乐，而眼仔睩睩又趣致嘅小猪比，就凭着开朗活泼性格收获大班粉丝！

随着复活节长假期嘅开始，单文柔同陈展鹏亦透过社交网分享，小猪比所“规划”嘅假日行程。只见小猪比由极速狂“扫”高尔夫球、震腾腾学熘冰到畅游水族馆等，一家三口行程多采多姿。而今年4岁嘅小猪比，喺水族馆展现出极高嘅求知欲，望住千奇百趣嘅鱼仔不停口噏噏，一旁嘅单文柔亦十分耐心教导，并喺社交网分享道：“四岁嘅小朋友究竟有几多精力呢？婆婆今日打嚟问我，点解Quinta学咁多嘢，Cooking class, little scientist,drawing,ice skating…其实全部都系Quinta话要学，嚟紧佢仲话要学番Ballet，我都想睇吓佢点分配啲时间。今日上完熘冰，去咗睇水母，见到水母BB孵化过程，好神奇。Busy & Fun Day.”

事实上，陈展鹏与单文柔对小猪比非常用心栽培，2021年小猪比更入读咗国际英文幼稚园暨幼儿园，每年学费逾8万港元，N班毕业后便可直升同校K1，过去该校不少毕业生亦入读了传统名牌小学。