钟嘉欣计划返港过生日 要仔女学中文

etin

艺人锺嘉欣（Linda）近年移居加拿大，婚后育有3个小朋友嘅佢，虽然减少幕前工作专心凑仔，但不时喺社交网大晒生活点滴，人气依然强劲！今日（9日）生日嘅佢，开Live时获网民送上生日祝福，佢开心咁话好挂住大家，仲透露即将会返港见粉丝：“我好似有1年4个月冇见大家，希望生日可以亲身见到你哋，所以我都好快会返港嘅。”而佢嘅生日愿望就系最紧要平安，仲表示想仔女学好中文：“我希望我啲小朋友可以认识到我成长嘅地方，知道妈咪系做啲乜嘢，同埋学广东话、中文、普通话，总之学中文，我觉得一定要识，冇理由唔识。”