|
近年积极转战内地发展嘅视帝黎耀祥(祥仔),电视、电影圈及广告接不停外,亦认真营运社交网吸粉丝,可以话财源滚滚。而向来出名锡老婆嘅祥仔,早前更系中山置业,并邀请好友朱凯婷(Heidi)嚟气派大豪宅作客!只见祥仔家嘅客厅中央摆放了一张L型梳化外,还有一张单人椅围绕云石茶几,墙边设有一大个装饰柜,而露台前更设有落地玻璃,采光明亮空间宽敞,相当写意与气派。露台外亦摆放了不少绿化植物,并有枱櫈方便闲时叹茶赏景。由于工作关系,成日香港与内地两边跑嘅祥仔,就分享道十分睇好大湾区发展:“可能始终都系广东人啦,对广东始终都有个亲切感嘅,譬如我做嘢成日去北京、杭州呀,杭州我都好锺意嘅。风景又好,但系硬系冇嗰种要定居嘅感觉。中山就唔同喇,好多嘢都好亲切。”
|
|