|
“反骨琪”蒋家旻今年初于无綫颁奖礼摘下“最佳女配角”,成功入屋嘅佢,上月就即兴欧游玩足半个月,近日就被指佢忽然富贵,平时好踏实嘅佢,今次欧游狂晒多个名牌包包,个个价值不菲,更有贵格品牌嘅招牌“橙盒”做圣诞树装饰,成个富婆咁!今次佢已经豪花6位数欧游,豪游之馀,身上仲多咗好多天价手袋、首饰,佢仲忽变品牌爱好者,佢收藏手袋款中,包括有价值约72,000元嘅红色细袋仔、约38,400元嘅系列经典焦糖色“猪鼻包”,款式虽然低调,但格价就一啲都唔低!​有网友仲发现早喺佢台湾之旅时,就已经见过黑色配金扣手、价值约为31,000元嘅包包,加埋大大小小配饰如皮带、纯银首饰、围巾、吊饰等,去年圣诞节佢屋企棵圣诞树下仲摆放最少10个“橙盒”,忽然升呢做富婆!
|
|