艺人张文慈(Pinky)近两年集中火力在内地发展,期间种种经历令她不知不觉中扭转了人生及价值观。以往锺情粉红色的她, 如今爱用紫色来形色刻下心态:“其实35岁过后,我都忘记咗自己实际年龄。细个嘅时候一定好有少女心,锺意粉红色,但依家觉得太鲜艳,而紫色畀到人优雅嘅感觉,比较啱依家嘅我!” 过着“紫色人生”的Pinky,由过往的爱依靠别人及出了名的胆怯,变成如今“可以比任何人更牛”:“坦白讲,呢3年大家都过得唔容易,而我呢几年嘅经历,好似突然间上咗人生大学咁,仲觉得以往嘅人生好似白行!依家嘅我做直播带货,完全唔惊困难,会主动敲门去搵商家,叫佢哋畀货我带,畀人拒绝一次唔紧要,咪继续啰,直至人哋首肯为止 ,我仲要兼顾埋客服、验货及事后跟进,真系要学习各方面嘅生活知识,先可以应付同人嘅沟通。(睇嚟可以自己做生意喎。)应该可以,工作养到我勇敢咗。”
出名怕黑的她,如今竟可以独立住一间酒店房,平日甚至会“兼职”货件搬运工作,不过她形容自己懂得作息有时:“百忙中都会停下来享受沿途风景,会识得自己抽时间去旅行,好似之前去咗九寨沟观光,过年嘅时候又首次成家人一齐去台湾旅行,凼到爸爸好开心,佢比我更加锺意玩,活像大细路。其实依家无论有冇钱,我有信心都可以活得好精彩。疫情过后我会更珍惜家人及身体健康,如果再有机会演戏嘅话,我相信我依家嘅经历,会令角色人物更加丰富。”
|