汤洛雯与马国明年底外地举行婚礼 婚后拍戏斋咀唔畀摸！

etin

艺人汤洛雯（靓汤）昨日（3日）出席复活节活动，今年将跟马国明拉埋天窗的靓汤被问到婚期时，她大卖关子：“我哋未必想公开确实日期，因为未必喺香港，成件事都系好小型，请好少人，唔会大搞。（之前社会网发文暗示春天行婚礼？）春天唔关事，我只系想讲疫情几年大家都戴口罩，冇见过大家真面目，依家终于可以见到，好开心。（婚礼大约几时？）年底，因为我哋两个都怕热，如果行礼大汗踏细汗真系火都嚟，会喺东南亚举行。（之前去日本为睇结婚场地？）唔讲你哋知，唔想好似佢（马国明）咁食咗诚实豆沙包，有时连我哋啲情话都攞出嚟讲，不过呢个都系佢优点，佢个人系好率直，一定唔会讲大话。（有冇同你讲过大话？）瞒住我买礼物畀我之类，大家冇嘢需要隐瞒对方，我哋都知道对方手机嘅密码。”问到筹备婚礼哪部分令她最感头痛？她坦言自己对这方面一窍不通，反而朋友比她更紧张，而自己亦没有打算请婚礼策划师协助，幸好得到不少品牌赞助。

​靓汤表示有观看马国明演出的剧集《隐形战队》，她称看得很开心：“我好耐冇睇过佢嘅剧，搞到佢沾沾自喜，剧中系好型，我朋友睇完都传短讯同我讲，我好锺意你老公。（叫佢平时梳番同款发型？）我怕佢Gel得多会甩头发。”问她看到男友跟唐诗咏的亲热戏的反应？她坦言：“我睇过个预告，我同佢咁熟，我觉得好搞笑，我谂佢拍摄时一定好虾碌，因为佢好怕呢啲场口，因为佢惊拍档会介意，佢会好大压力，我睇到觉得冇乜嘢，佢依家拍紧新剧都会有接吻戏。（佢话你会掟烂屋企部电视？）佢讲到我成个泼妇咁，我OK嘅。（睇嘅时候同佢研究吻戏？）又唔会，畀佢自由发挥。（你哋现实中好顺利？）现实中OK。”

至于两人婚后是否会禁拍亲热戏？她解释说：“冇话约法三章，不过有时睇戏会问对方，如果我拍呢类得唔得，佢都会话电视都唔会畀咁拍，总之锡系可以，但就唔好摸。”提到马国明指每逢靓汤在社交网发文，自己一定要秒回免对方不悦，靓汤笑言：“佢真系回得好快，有时我都问佢你唔使开工？其实佢自己谂多咗，因为佢向来会喺我社交网留言，佢觉得自己要保持番水准，咁佢系好Sweet。”而近日她带同马国明跟第一代《爱·回家》同事敍旧，她称大家向来有携眷出席的习惯，而且男友跟一班同事也得熟落。